TBS yaitaka Tanroads kuweka matuta ya uwiano sawa

Shirika la Viwango Nchini (TBS) limeitaka Wakala

 wa Barabara (Tanroads) kuhakikisha linaweka

 matuta yenye uwiano sawa katika barabara zote nchini.

Hayo yalisemwa jana jijini Dar es Salaam na Mkurugenzi 

wa Huduma za Upimaji Ugezi na Vifungashio kutoka TBS, 

Agnes Mneney, wakati wa mafunzo kuhusiana na kiwango

 cha matuta barabarani.

Alisema TBS wameamua kufikia maamuzi hayo kutokana

 na kuwapo kwa tofauti ya ujenzi wa matuta barabarani.

Mneney alisema kuna matuta mengine ni makubwa ukilinganisha

 na madhumuni yaliyokusudiwa na pengine huwa ni chanzo cha ajali.

Hata hivyo, alisema madhumuni ya kiwango hicho ni kuisaidia

 taasisi na makampuni za ujenzi nchini kuwa na aina moja ya 

matuta nchini.

Alisema TBS imeandaa kiwango hiki wakati tayari kulikuwa na

 miongozo inayotumiwa na Wakala wa Barabara (Tanroads), 

hivyo kiutaratibu ilitakiwa kuwepo na kiwango ndipo miongozo

 itolewe.

Mneney alisema shirika limeandaa kiwango kwa kuzingatia maoni

 ya wadau mbalimbali ikiwa ni pamoja na miongozo ambayo tayari

 inatumika na Tanroads.

Alisema kuwa TBS haitakuwa na kazi ya kusimamia utekelezaji wa

 kiwango hicho.

Naye Mhandisi Eliamini Tenga kutoka Tanroad alisema kuwa 

awajashirikishwa katika mchakato huo.

Hata hivyo, wamekubali kulitekeleza jambo hilo kuhakikisha 

viwango vya matuta vinakuwa katika uwiano mmoja.