TANZANIA ONE : 11/28/12

BONDIA CHEKA ULINGONI UBINGWA WA IBF

CHEKA KUMVAA UDIADIA MWAHILA WA DRC UBINGWA WA IBF‏

Francis Cheka

Bondia maarufu kuliko wote Tanzania Francis Cheka atamvaa Udiadia Mwahia kutoka nchini DRC Kongo kugombea mkanda wa ubingwa wa IBF katika bara la Afrika, Mashariki ya Kati na Ghuba ya Uajemi.
Mabondia hao watakutana katika mpambano wa kwanza tangu Arusha liwe jiji katika uwanja wa Shekh Amri Abeid tarehe 26 Desemba 2012 siku ya Boxing Day!
Akimtambulisha Francis Cheka kwa waandishi wa habari katika ukumbi wa Melezo jijini Dar-Es-Salaam leo, mratibu wa mpambano huo na ambaye alishawahi kuwa bingwa wa Tanzania kwenye ngumi za ridhaa George Andrew alisema kuwa bondia Udiadia Mwahila anakaa Lusaka Zambia ambako ndipo anapofanya shughuli zake za ngumi chini ya promota maarufu Anthony Mwamba!
Udiadia ana rekodi ya mapambano 12 na ametoka sare pambano moja na hajapoteza hata moja wakati Francis Cheka ana rekodi ya mapambano 33 amepoteza 6 na kutoka sare pambano moja.
Geporge alisema kuwa mpambano huo utatumika kulitangaza jiji la Arusha kama Las Vegas ya ngumi katika bara la Afrika na kulifananisha jiji la Arusha na jiji la Geneva lililoko nchini Switzerland.
Mpambano huo unakuja wakati ambapo mpambano mwingine wa Francis Cheka na bondia kutoka Ujerumani wa kugombea mkanda wa IBF wa mabara ulifutwa baada ya Simon kuumia katika mazoezi.
Naye Rais wa IBF katika bara la Afrika, Mashariki ya Kati, Ghuba ya Uarabu na Ghuba ya Uajemi Onesmo Nhowi alisema kuwa wao kama IBF wamesharuhusu maandalizi ya mpambano huo. Rais huyo aliwataka wadhamini pamoja na wananchi wa mkoa wa Arusha na mikoa mingine kujitokeza kwa wingi ili kulifanya pambano hilo kuwa la mafanikio.
Naye bondia Francis Cheka alisema kuwa amejiandaa kwa kiasi kikubwa na atazidi kufanya mazoezi ili kupata ushindi kwake pamoja na nchi ya Tanzania. Aliendelea kusema kuwa kila Mtanzania anajua uwezo wake kwa hiyo amewataka wote wafike kwa wingi ili kupata uhondo na burudani tosha!

LOWASSA AWAVAA WANASIASA NI KUHUSU VIJANA WA KIKE.

Askofu wa Kanisa la Moravian Tanzania Jimbo la kusini Magharibi Alinikisa Cheyo akipokea mchango wa shilingi milioni 25 toka kwa waziri mkuu mstaafu Edward Lowassa katika harambee ya kuchangia ujenzi wa hosteli ya wanafunzi wa kike katika chuo kikuu teku

Askofu wa Kanisa la Moravian Tanzania Jimbo la kusini Magharibi Alinikisa Cheyo mara baada ya kupokea mchango huo akimshukuru waziri mkuu mstaafu Lowasa kwa kushiriki na kutoa mchango wake katika harambee hiyo

Kabla ya kuanza harambee hiyo, waziri mkuu mstaafu Lowassa aliongoza kuimba wimbo wa ‘’Bwana Mungu nashangaa kabisa’’ ambao mara kadhaa amekuwa akiuimba na kueleza kuwa anafarijika akiusikia na kuuimba wimbo huo wa tenzi za rohoni.

Kwaya ya Vijana Moravian Mbeya mjini wakiimba wimbo maalumu wa kumkaribisha waziri mkuu mstaafu Edward Lowasa katika harambee hiyo

Mara baada ya kumaliza harambee hiyo mweshimiwa Lowasa akisalimiana na ndugu zake wamasai waishio Mbeya

Mweshimiwa Lowasa akiagana na kumpongeza MC Chales Mwakipesile kwa kuongoza vizuri katika harambee hiyo

WAZIRI Mkuu Mstaafu , Edward Lowassa, amesema unyonge wa elimu kwa watoto wa kike hautamalizwa kwa kelele za wanasiasa , bali ni kwa taifa kuweka misingi imara itayowasaidia kujielimisha kadili ya ukomo wao, ili wawe na uwezo wa kutosha wa kupambana na changamoto zinazowakabili.

Kauli hiyo aliitoa jana Jijini hapa, wakati akiendesha harambe ya kuchangia ujenzi wa mabweni kwa wanafunzi wa kike katika Chuo Kikuu cha Teofilo Kisanji (TEKU),kinachomilikiwa na kanisa la MoravianiTanzania (KMT) na kufanyika katika usharika wa Ruanda jimbo la kusini Magharibi.

Katika harambe hiyo Lowassa alichangia fedha taslimu kiasi cha shilingi milioni 25, huku viongozi mbalimbali wa serikali na chama tawala (CCM) wakiongozwa na na Mkuu wea Mkoa wa Mbeya,Abas Kandoro aliyewakilishwa na Mkuu wa wilaya ya Rungwe Chrispine Meela nao wakitoa mchango wao.

Lowasa alisema ili taifa liweze kujidhatiti kikamilifu ni lazima watu wake wakaona fursa na kuamua kuwekeza kwenye elimu , ambapo kundi kubwa la vijana wataweza kujifunza na kuelimika katika mambo mbalimbali.

Alisema jitihada za kuwakomboa wanawake hususani watoto wa kike haziishi tu kwa viongozi wa siasa kupiga kelele majukwaani, bali ni watanzania kuwajengea uwezo wa kila hali ili kuhakikisha wanasoma kwa kadili ya ukomo wao.

Akizungumzia vijana kwa ujumla Lowassa alisema wanapaswa kutambua kuwa elimu ndio njia pekee ya wao kujikatika changamoto mbalimbali, hivyo bila nyenzo hiyo hawawezi kufika mahala popote, badala yake fursa mbalimbali zitawapita na wao kubaki watazamaji.

“Baba Askofu kwani hata ukitaka kufuga kisasa au kibiashara lazima uwe na elimu, na hata wale waliojiandaa kufanya kazi za ofisini wanakuwa na hali ngumu bila kuwa na elimu ya kutosha” alifafanua Lowassa.

Aliwata vijana kutumia vizuri fursa walizopata za kusoma katika vyuo vikuu iwe kwa ufadhili wa watu au serikali kwani watu hao waliowafadhili walijinyima kwa malengo ya kuhakikisha wanawatimizia matakwa yao ambayo ni faida kwa taifa pia.

Hata hivyo alisema kama vijana wa Tanzania hawataelimika vya kutosha katika elimu ya juu hawataweza kutoa ushindani wa kutosha kwa wenzao kwenye soko la ajira kwa nchi za zilizopo kwenye Jumuiya ya Afrika Mashariki.

Alinikuu kifungu cha Biblia “ Tumeambiwa katika bibilia takatifu…tusipojibiidisha kutafuta maarifa tutaishia kuwa wateka maji, wakata kuni kwa wenzenu (Joshua 9:21), kwa hiyo nalipongeza kanisa la Moraviani kwa bidii na umoja wao kwa kujenga chuo kikuu.”

Aidha, Lowassa aliweka wazi kuwa tabia yake ya kuchangia katika makanisa ni wito na kamwe yeye si tajiri bali amekuwa ana changiwa na baadhi ya marafiki zake wanaoshirikiana hivyo kupata fedha hizo ambazo anazitoa kwenye harambe m,balimbali anazoombwa kuendesha na kuchangia.

“Mimi naenda sana kwenye harambe sijafirisika, lakini mimi sio tajiri kama watu wanavyosema ila huwa nachangiwa na wenzangu na hivyo kuwa na nguvu ya kuchangia kwenye makanisa kama mtakavyoona leo” alisema Lowassa.

Hata hivyo Lowassa alilipongeza kanisa hilo kwa utulivu kwa kusema ni tofauti na miaka iliyopita kwa kanisa hilo kuandamwa na migogoro mingi ambayo ilisababisha kanisa kukosa utulivu na kuwayumbisha waumini wake.

Kwa mujibu wa Askofu Mkuu wa kanisa hilo Jimbo la Kusini Magharibi, Alinikisa Cheyo, katika harambee hiyo lilitarajia kukusanya kiasi cha shilingi milioni 500 ili kuweza kumalizia ujenzi wa mabweni kwea wanafunzi wa kike katika chuo hicho.

MTOTO ALIYECHOMWA MKONO NA HATIMAE KUKATWA MKONO WAKE WA KUSHOTO ALETWA MAHAKAMANI KUTOA USHAHIDI

DO UKATILI UTAISHALINI?

MTOTO ANETH KATIKATI NA MAMA YAKE KULIA WAKIINGIA ENEO LA MAHAKAMANI LEO

WILVINA MKANDALA ANAETUHUMIWA KWA KUMUUNGUZA NA KUSABABISHA KUKATWA KWA MKONO WA MTOTO ANETH AKIINGIZWA MAHAKAMANI HUKU AKIWA HATAKI KABISA KUPIGWA PICHA

WAKAZI WENGI WA JIJI LA MBEYA NA VITONGOJI VYAKE WAMEJITOKEZA KWA WINGI KUJA SIKILIZA KESI HIYO

MTOTO ANETH AKISALIMIANA NA MAMA ALIYEMUHUDUMIA HOSPITALINI KABLA YA MAMA YAKE MZAZI KUJA TOKA BUKOBA

MAMA ANETH AKIONDOKA NA MWANAE MARA BAADA YA HAKIMU KUMUONA MTOTO HUYO NA KUPATA MAELEZO MAFUPI TOKA KWA MTOTO ANETH AMBAE ALISHINDWA KABISA KUONGEA MARA TU ALIPO MUONA SHANGAZI YAKE HUYO ALIYEMCHOMA MOTO AKIINGIA KATIKA CHUMBA CHA MAHAKAMA KESI HIYO IMEAIRISHWA MPAKA TAREHE 6/12 / 2012

MTOTO ANETH MARA TU BAADA YA KUTOKA KATIKA CHUMBA CHA MAHAKAMA AKISUBIRI KURUDISHWA KATIKA HOSPITALI YA RUFAA KUENDELEA NA MATIBABU

HUKU AKINA MAMA WAKIWA NA JAZBA YA KUTAKA HAKIMU AWAACHIE KIDOGO JAPO KWA DAKIKA TANO WAMFUNZE ADABU MTUHUMIWA HUYO KWANI WANADAI AMEWADHALILISHA SANA KWA KITENDO HICHO CHA KUMTESA MTOTO ANETH

WANAHASIRA HAO YAANI KAZI IPO

HILI NDILO GARI ALILOPATA AJARI SHARO

MTANGAZAJI WA REDIO BOMBA FM MBEYA CLEMENCE MPEPO AFARIKI DUNIA

TANGAZO: KWA MASIKITIKO MAKUBWA UONGOZI WA REDIO BOMBA FM, UNATANGAZA KIFO CHA MFANYAKAZI MWENZAO CLEMENCE MPEPO "MZEE WA MAKABILA" ALIYEFARIKI USIKU WA KUAMKIA LEO KATIKA HOSPITALI YA TAIFA YA MUHIMBILI. KWA TAARIFA ZAIDI TUTAENDELEA KUWAFAHAMISHA JUU YA UTARATIBU WA MAZISHI NA PIA ENDELEA KUSIKILIZA REDIO BOMBA FM