TANZANIA ONE

Friday, March 8, 2013

MBUNGE wa Mbeya vijijini (CCM) Lackson Mwanjali ameingia lawamani kwa kutotekeleza ahadi.

MBUNGE wa Mbeya vijijini (CCM) Lackson Mwanjali ameingia lawamani baada ya wanachi wa Kitongoji cha Italazya kata ya Ilembo Wilaya ya Mbeya kumtuhumu Mbunge huyo kwa kutoa ahadi hewa ambayo ameshindwa kuitekeleza.

Haya ndiyo majengo waliojenga wananchi sasa yanabomoka kwa ahadi hewa ya mbunge

Mbunge huyo aliwaagiza wananchi hao kujenga shule ya msingi katika kitongoji chao kutokana na umbali wa shule nyingine inayosababisha watoto kutembea umbali mrefu kufuata shule.

Mbunge huyo aliwaambia wananchi hao kujenga majengo ya vyumba vya madarasa hadi kufikia usawa wa mtambaapanya(renta) ambapo yeye atamalizia kupitia mfuko wa jimbo.

Hata hivyo kufuatia ahadi hiyo hali hiyo imekuwa kinyume na matarajio ya wananchi hao ambao wamesema tangu atoe agizo hilo mbunge huyo hajawahi kurudi kijijini hapo wala kutekeleza ahadi hiyo.

Wananchi hao walisema kufuatia hali hiyo walilazimika kumfuata mara kadhaa mbunge huyo ofisini kwake ili wamkumbushe kuhusu ahadi yake baada ya wao kukamilisha usawa waliopangiwa na mbunge wao lakini waliishia kuahidiwa tu.

Aidha wananchi hao walisema Mbunge huyo amewavunja nguvu baada ya majengo waliojenga kuanza kubomoka hali iliyosababisha kukatishwa tamaa na utekelezaji wa ahadi hiyo.

"Tumejaribu kumfuata mara kadhaa ofisini kwake kuhusu kutekeleza ahadi yake hiyo lakini anaendelea kutuahidi hali inayoonesha kutudanganya tu" alisema Adson Kinga mjumbe wa Serikali ya Kitongoji.

Alisema juhudi kubwa iliyofanywa na wananchi katika kujenga majengo hayo ambayo walisema ilikuwa ni ukombozi wa watoto wa kutotembea umbali mrefu lakini juhudi hizo zimeyeyuka baada ya jengo kuanguka kutokana na kutoendelezwa.

" Ingekuwa ni kilimo tungekuwa tuko kwenye mavuno makubwa kutokana na nguvu tuliyoitumia kujenga madarasa hayo lakini tunasikitishwa na mbunge kutusahau wakati sisi ndiyo tuliomchagua" alisema Furaha Mwafowela mkazi wa Kitongoji hicho.

Kwa upande wake Mbunge wa Jimbo hilo alipotafutwa kuzungumzia tuhuma hiyo hakupokea simu zake za kiganjani ambazo ziliita mda mrefu bila kupokelewa.

(Chanzo Mbeya Yetu)

Friday, February 22, 2013

HUYU NDIO SHABIKI WA MIAKA 14 ALIEFARIKI KWENYE MECHI DHIDI YA CORITHIANS.

Posted: 22nd February 2013

.

Shabiki mmoja wa kiume wa club ya San Jose mwenye umri wa miaka 14 amefariki kutokana na firework kwenye mechi ya Copa Libertadores ambapo San ilicheza na Corithians.
Kevin Douglas Beltran Espada ni mwanafunzi wa high school kutoka Bolivia ambapo alifariki dunia baada ya kufikishwa hospitali akiwa ameumia machoni pia.
Hilo tukio lilitokea muda mfupi tu baada ya Corithians kupata goli kwenye hiyo mechi iliyochezwa Jesus Bermudez stadium ambapo mashabiki ndio walianza kufyatua firework.

.

Kwa mujibu wa Fox News, Doctor José Maria Vargas aliviambia vyombo vya habari kwamba shabiki huyo alijeruhiwa kwenye fuvu la kichwa na kwenye akili ndio maana kifo chake kilitokea kirahisi.
Polisi wamesema tayari mashabiki tisa wa Brazil wanashikiliwa pamoja hati zao za kusafiria ambapo inaelezwa mashabiki wengine wa Brazil walilazimika kukaa kwa muda uwanjani baada ya mechi kumalizika wakihofia kupigwa na mashabiki wenyeji.

.

Mmoja wa watuhumiwa.

ZIKUFIKIE KUHUSU MECHI YA KWANZA YA DAVID BECKHAM PSG

Posted: 22nd February 2013

Taarifa ikufikie kwamba baada ya watu wengi kuwa na hamu ya kufahamu ni lini David Beckam atacheza mechi yake ya kwanza toka ajiunge na club ya PSG ya Ufaransa, jibu limetoka tayari.
Alielitoa ni kocha Ancelotti kwamba Beckham ataingia uwanjani kwa mara ya kwanza akiwa na PSG kwenye mechi dhidi ya Marseille siku ya jumapili.
Marseille iko nafasi ya tatu pointi 5 nyuma ya PSG ambapo kwenye hiyo mechi club hii itamkosa striker Jordan Ayew ambae ana suspension na pia midfielder Benoit Cheyrou ambae ni majeruhi.